Оскуолабыт үөрэнээччилэрэ
алын кылаастартан саҕалаан, чинчийэр үлэнэн
дьарыктаналлар. Араас таһымнаах конференцияларга, ааҕыыларга ситиһиилээхтик кытталлар. Ааспыт үөрэх сылыгар
«Мин-чинчийээччибин» диэн Москваҕа
ыытыллыбыт Бүтүн Россиятааҕы конкурска
биһиги оскуолабыт 4-с кылааһын үөрэнээччитэ Сайаана Уйгурова Саха сириттэн
соҕотоҕун кыттыыны ылан, дипломунан наҕараадаламмыта. Сайаана учууталын
Сардаана Петровна Николаева салалтатынан бастакы кылаастан чинчийэр үлэнэн
дьарыктанан, ити курдук улахан түһүлгэҕэ кыттар кыахтанна. Маны таһынан,
оскуолаҕа чинчийэр үлэҕэ оҕолору Елена Гаврильевна Молокотина, Ульяна Рахимовна
Петрова, Раиса Иннокентьевна Уйгурова, Дмитрий Васильевич Максимов, Наталья
Анатольевна Сокорутова, Любовь Гаврильевна Николаева угуйаллар.
Быйылгы үөрэх дьылыгар эдэр чинчийээччилэр саамай улахан
- «Инникигэ хардыы» оройуоннааҕы конференцияҕа Абаҕа орто оскуолатын хамаандата мээнэҕэ
бастаабата. Оскуола үөрэнээччилэрэ Дарина Анисимова, Диана Боянова – 1, Лариса
Мордовская, Игорь Янков, Павел Шумилов – 2, Чарина, Дарина Егоровалар, Сайаана
Уйгурова, Лена Кондакова, Вася Васильев – 3 миэстэлэри ылан, мэтээллэринэн
наҕараадаламмыттара. Оскуола хамаандата кубогы ылан, оҕолор уонна учууталлар
үөрүүлэрэ улахан.
Оройуонтан кынат анньынан, бүтүн республикатааҕы
«Инникигэ хардыы» конференцияҕа кытта оскуола хамаандата Дьокуускайга баран
кэллэ. Бу сырыы эмиэ бэрт ситиһиилээх буолла. Ол курдук, Чарина, Дарина
Егоровалар – 2-с, Лена Кондакова, Сайаана Уйгурова – 4-с степеннээх дипломант
аатын ыллылар.
|